Oso harrera ona izan zuen argazkian ikusten jende ilara erakusten duen bezala.

Abian eta herriko zona desberdinetara zabalduko den konpostaje komunitarioan izena emateko mahaia ere jarri zen eta mordoxka izan ziren horretara ere animatu zirenak.

Auzolanean, I Herria Garbi Eguna

Udal lantaldearen laguntza izan genuen, eta beharrezko lanabesak ere eskuratu zitzaizkigun udal horren partetik.

Udalak pasatako datuaren arabera, ia 2.000 kilo hondakin bildu ziren.

Bildutako hondakin kopuru handiak erakusten du, inguru horretan pilatuta zegoena, ez zela uholdeak ekarritakoa bakarrik, lehenagotik ere bazela hondakinik gune horretan, alegia. Zentzu horretan, eskertuko genuke, orain garbituta dagoenari, urtean zehar gutxieneko mantenu-zaintza egitea, inguru horrek pena merezi bait du, eta inguru horretan pasioan dabiltzan hainbat herritarrek ere eskertuko dute.

Itaya Gazte Asanblada eta Usurbil Zero Zaborren arteko elkarlana izan da aurtengo antolakuntza. Dudarik gabe, oso esperientzia ona eta pedagogikoa izan da. Berriro, ere hurrengo urterako ideiak eta asmoak agertu dira, eta saiatuko gara antolakuntza berri bat prestatzen.

Honatx han esandakoa.

Hondakinen kudeaketa-ereduaren norabidea une itxaropentsuan zegoela idatzi genuen Usurbilgo Ituna sinatu genuen 2010eko martxoaren 12 hartan.

Bi urte eskasera esan dezakegu hondakinen kudeaketa-ereduaren norabidea inoiz baino une itxaropentsuagoan dagoela, Gipuzkoako 46 alkatek, San Marko Mankomunitateko lehendakariak eta Gipuzkoako Hondakinen Kudeaketa (GHK) Partzuergoak hartutako erabakiak guk eskatzen genuen norabidean jarri baitu hondakinen errealitatea.

Zorionak eman nahi dizkiegu alkateei  orain arte gipuzkoarrok izan ez dugun aukera zabalduko dutelako.

Usurbilgo Ituna osatzen dugun eragile politiko, sindikal eta sozialek ozen diogu gipuzkoarron osasuna dela lehenesten dugun irizpidea, gainerako edozein irizpideren gainetik.

Interesgarria iruditzen zaigu orain arte ezagutzen ditugun zabortegi kutsakorrak gainditzeko Gipuzkoako Foru Diputazioak azaldutako konpromisoa eta bat egiten dugu, era berean, errausketa bere ekinbideetatik baztertzeko azaldu duen asmoarekin, ez baitago errauste planta handi edo txikirik gure osasunari kalte egingo ez dionik.

Zabaltzen den garai berri honen lehen pausotzat jotzen dugu GHKko Partzuergoak abenduaren 22an hartutako 6 hilabeteko etenaldiaren erabakia. Luzamendu hau urrats oso garrantzitsutzat jotzen dugu, Gipuzkoa osorako zero zabor programa baten abiapuntua izan behar duelako. Hori dela eta, Gipuzkoako Foru Aldundiari eskatzen diogu gaikako bilketa eraginkorrena  eta konpostajea bultzatu nahi duten udalerriei beharrezkoa duten laguntza eskain diezaiela.

Horregatik , Usurbilek, Hernanik, Oiartzunek eta Antzuolak zabaldu duten atez ateko bilketaren bidea eredugarritzat jotzen dugu, gaur egun emaitza onenak eta berehalakoak lortzen duen sistema delako, eta merkeena izateaz gain, lanpostu berri gehien  sortzen duen sistema delako ere.  Era berean, eraginkortasun berdina edo hobea lor lezakeen beste edozein sistemari ateak irekita uzten dizkiogu.

Gipuzkoako indar politikoei dei egiten diegu alderdikeriak alde batera uztera eta, era berean, ingurumena eta osasunean oinarritutako irizpide teknikoak kontutan hartuz hel diezaietela gaiari.

Gipuzkoarrok sei hilabete hauetan aukera ezinhobea dugu alternatibak gauzatzeko, beste errealitate bat lor daitekeela frogatzeko, beste Gipuzkoa bat, garbiagoa, osasuntsuago bat posible dela erakusteko. Aldi berean Usurbilgo Ituneko kideak ere gure baliabide eta ahalmenen baitan konpromisoa hartzen dugu norabide berean lan egiteko.

Gunea bizilagun talde batek erabiltzen du eta beraiek eramaten dute ere arduren banaketa eta antolaketa guztia.

Usurbilgo gazteek osatzen duten Itaya taldeak “erraustegiaren aurkako eguna” antolatu du azaroaren 26rako. Mendi martxa, bertsolariak, mahai inguruak, kantu jira, afaria, kontzertuak… denetik izango da eusteko gai denarentzat. Animatu eta azaldu!!!

           Joxemari Irazusta eta Imanol Azpiroz jardun ziren azalpenak ematen jakinminez zegoen taldeari.

            Goiz pasa bikaina, ez al zaizue iruditzen? Ibilaldi honen zergatia, ordea, ez da hain bikaina. Izan ere mendiaz gozatu nahi, baina egundoko txikizioa dugu zain.

            Esan bezala adin ezberdinetako lagun talde ederra abiatu ginen Santuenetik barrena Artzabaleta Txiki baserrirantz. Hona iristean mendian gora abiatu eta ohartu ginenerako begi aurrean genituen erraustegiko lur mugimenduak. Bagenekien zertara gindoazen, baina halakorik ez genuen espero. Lehen ezagun genituen erreka eta bailarak guztiz hondatuak zeuden. Lur mugimenduak herritik handia badirudi, zer esanik ez bertatik ikusita, izan ere urrundik ikusten dena baino 10 aldiz handiagoa da. Begiz botata erraustegia eraiki nahi duten lekuan Usurbilgo kaxko osoa sartuko litzateke gure ustez.

           Hau gutxi balitz, honen ondoren Letabideko mendixka gainditu eta lur mugimenduen zatirik handiena ikusi genuen, kartzela eta Eskuzaitzetako poligonoari dagokiena; eremu honen azalera erraustegiarena baino askoz ere handiagoa izanik. Eragingo lituzkeen osasun kalteengatik erraustegia darabilgu beti ahoan, baina jendearen gehiengoak ez daki honen ondoan beste makroproiektu hauek ere eraikitzen ari direla.

            Herrira bueltan gindoazela gure artean aipatzen genuen polita izan zela gazteek bultzaturik honelako ekimen bat aurrera eramatea. Hala ere, guztiok ados ginen ikusitakoak guztiz hunkitu gintuela eta zentzugabekeria hau eragozteko elkarlana beharrezkoa dela azpimarratzean

.

Informazio gehiagorako:

- Telefonoa: 943 371951

- Emaila: ingurumena@usurbil.net

- Udalak banaturiko triptikoan